Нээлтийн арга хэмжээнд Жадо рэнбочэ Гачин рэнбочэ МУ-ын ерөнхийлөгчийн зөвлөх Цагаан УИХ-ын дарга Дэмбэрэл Гишүүн Батбаяр нар болон нутгийн ард эргэд оролцлоо

Бумба бүтээлгэснээр:
Олон амьтны үгүйрэл хоосрол, өвчин арилж,нас буян, цог учрал, эрх сүр, хийморь золбоо, сүр жавхлан, шашин төрийн үйл дээш дээш арвижин гурван ертөнцийн тэнгэр, лус, хүмүүн гурвын идээ ундаа, эд таваар, төгс эдлэл бүхэн эрхгүй хурах бөгөөд энэ хойтын сайн чуулган шамдалгүй аяндаа бүтнэ.

Энэ удаагийн зочин Дашчоймпэл дацангийн багш, гавж Дэндэвийн Нямсамбуу 1984 онд Нийслэлийн 10 жилийн 5-р дунд сургуульд элсэн орсон, 1991 онд Гандантэгчинлэн хийд, улмаар 1992 оноос Гүн ухааны Дашчоймпэл дацанд шавилан орж, дээд багш нарыг шүтэн Бурханы шашны гүн ухаан заалгаж эхэлсэн. 1995 онд зиндааны нөхдийн хамт Өмнөд Энэтхэгийн Гоман дацанд суралцахаар явж, дондонжү зиндаагаар орсон, 2004 оны эхээр Зод зиндаагаа дүүргээд өвчний учир буцаж ирсэн. 2006 онд Дашчоймпэл дацанд Гавжийн дамжаа барьж мяндаг авсан. 2008 оноос хойш Английн Сандэрландын Их Сургуульд Бурханы шашны судлалаар мастерийн зэрэг горилон суралцаж байна. Энэ жил 33 нас хүрч байгаа. Дашчоймпэл дацан, Шашны Дээд Сургууль, Их Хөлгөний уламжлалыг хадгалах төв, Жэвзүндамба Төв зэрэг газаруудад хичээл заадаг.